॥ध्यानम् ॥
॥ Dhyānam ॥

सिन्दूरारुणविग्रहां(न्) त्रिनयनां माणिक्यमौलिस्फुरत्,
तारानायकशेखरां स्मितमुखीमापीनवक्षोरुहाम् ।
पाणिभ्यामलिपूर्णरत्नचषकं रक्तोत्पलं बिभ्रतीं,
सौम्यां रत्नघटस्थरक्तचरणां(न्) ध्यायेत् परामम्बिकाम् ॥१॥

Sindūrāruṇavigrahāṁ(n) trinayanāṁ māṇikyamaulisphurat,
tārānāyakaśekharāṁ smitamukhīmāpīnavakṣoruhām.
Pāṇibhyāmalipūrṇaratnacaṣakaṁ raktotpalaṁ bibhratīṁ,
saumyāṁ ratnaghaṭastharaktacaraṇāṁ(n) dhyāyetparāmambikām. ॥1॥

अरुणां(ङ्) करुणातरङ्गिताक्षीं(न्) धृतपाशाङ्कुशपुष्पबाणचापाम् ।
अणिमादिभिरावृतां मयूखैरहमित्येव विभावये भवानीम् ॥२॥

Aruṇāṁ(ṅ) karuṇātaraṅgitākṣīṁ(n),
dhṛtapāśāṅkuśapuṣpabāṇacāpām |
Aṇimādibhirāvṛtāṁ mayūkhairahamityeva vibhāvaye bhavānīm ॥2॥

ध्यायेत्पद्मासनस्थां विकसितवदनां पद्मपत्रायताक्षीं,
हेमाभां पीतवस्त्रां(ङ्) करकलितलसद्धेमपद्मां वराङ्गीम् ।
सर्वालङ्कारयुक्तां सततमभयदां भक्तनम्रां भवानीं,
श्रीविद्यां शान्तमूर्तिं सकलसुरनुतां सर्वसम्पत्प्रदात्रीम् ॥३॥

dhyāyetpadmāsanasthāṁ vikasitavadanāṁ padmapatrāyatākṣīm,
hemābhāṁ pītavastrāṁ(ṅ) karakalitalasaddhemapadmāṁ varāṅgīm |
sarvālaṅkārayuktāṁ satatamabhayadāṁ bhaktanamrāṁ bhavānīm,
śrīvidyāṁ śāntamūrtiṁ sakalasuranutāṁ sarvasampatpradātrīm || 3 ||

सकुङ्कुमविलेपनामलिकचुम्बिकस्तूरिकां,
समन्दहसितेक्षणां सशरचापपाशाङ्कुशाम् ।
अशेषजनमोहिनीमरुणमाल्यभूषाम्बरां(ञ्),
जपाकुसुमभासुरां(ञ्) जपविधौ स्मरेदम्बिकाम् ॥४॥

sakuṅkumavilepanāmalikacumbikastūrikāṁ,
samandahasitekṣaṇāṁ saśaracāpapāśāṅkuśām ।
aśeṣajanamohinīmaruṇamālyabhūṣāmbarāṁ(ñ),
japākusumabhāsurāṁ(ñ) japavidhau smaredambikām ॥4॥